Myanmar 
English 
Young Insurance မှ မြန်မာတစ်ပြည်လုံးရှိ အာမခံကိုယ်စားလှယ်တော်ကြီးများအားလုပ်ငန်းစွမ်းဆောင်ရည်အကောင်းဆုံးဆုချီးမြင့်ခြင်းနှင့်စာချုပ်ချုပ်ဆိုခြင်း အခမ်းအနားကျင်းပ...
အထွေထွေအာမခံ ဝန်ဆောင်မှုပေးနေသော Young Insurance ကုမ္ပဏီမှ ပထမဆုံးအကြိမ်အဖြစ် ကျင်းပပြုလုပ်သော (၂၀၂၀) ပြည့်နှစ်၊ တစ်နှစ်တာကာလအတွင်းလုပ်ငန်းစွမ်းဆောင်ရည် အကောင်းဆုံးစွမ်းဆောင်နိုင် သောအာမခံ ကိုယ်စားလှယ်များ ကို ရွေးချယ်၍ အာမခံ ကိုယ်စားလှယ်တော် ကြီးများအား ဆုချီးမြှင့်ခြင်း နှင့် အာမခံလုပ်ငန်းကြီးကြပ်ရေးအဖွဲ့ မှလမ်းညွန်ထားသည့် စာချုပ်ပုံစံများအတိုင်း အာမခံ ကိုယ်စားလှယ်တော်ကြီးများနှင့် စာချုပ် ချုပ်ဆိုခြင်းအခမ်းအနားကို Young Insurance ရန်ကုန်ရုံးချုပ်တွင် (၂၀၂၀) ပြည့်နှစ်၊ ဒီဇင်ဘာလ (၂၈) ရက်နေ့က ကျန်းမာရေးနှင့် အားကစား ဝန်ကြီးဌာနမှ ချမှတ်ထားသော Covid -19 ရောဂါမပြန့်ပွားစေရေးလမ်းညွန်ချက်များ၊စည်းကမ်းများနှင့် အညီကျင်းပ ပြုလုပ် ခဲ့ပါသည်။
ဒီပွဲအခမ်းအနားလေးမှာဆိုရင် ယမ်းအာမခံမှ အမှုဆောင်အရာရှိအပါအဝင် တာဝန်ရှိသူများ၊ဌာနကြီးမှူးများ၊ဖိတ်ကြားထားသောဧည့်သည် တော်များ ၊ယမ်းအာမခံနှင့်လက်တွဲ ဆောင်ရွက်လျက်ရှိသောမြန်မာတစ်ပြည်လုံးရှိ အာမခံကိုယ်စားလှယ်တော်ကြီးများမှ ကျန်းမာရေးနှင့် အားကစားဝန်ကြီးဌာနမှ ချမှတ်ထားသော Covid-19 ကပ်ရောဂါ မပြန့်ပွားစေရေး စည်းကမ်းချက်များနှင့်အညီ တက်ရောက်ခဲ့ကြပါသည်။
အခမ်းအနားတွင် 2020 ခုနှစ်အတွက်ကောင်းဆုံးလုပ်ငန်း စွမ်းဆောင်နိုင်ခဲ့သော မြန်မာတစ်ပြည်လုံးရှိအာမခံ ကိုယ်စားလှယ်တော်ကြီးများအား လုပ်ငန်းစွမ်းဆောင်ရည်ဆုများကို သက်ဆိုင်ရာ ပြည်နယ်နှင့်တိုင်းများရှိ ယမ်းအာမခံ ရုံးများ၌ တစ်ပြိုင်တည်း ဆုများ ပေးအပ်ချီးမြှင့်ခြင်းနှင့် အာမခံကြီးကြပ်ရေးအဖွဲ့မှ လမ်းညွန်ထား သောစာချုပ်ပုံစုံများအတိုင်း စာချုပ်များ ချုပ်ဆိုခဲ့ကြပါသည်။
ဒီနောက်မှာတော့ အနာဂတ်ကာလ မှာအများပြည်သူအတွက် အာမခံလုပ်ငန်းဝန်ဆောင်မှု့များကို အတူတစ်ကွထာဝရလက်တွဲဆောင်ရွက်နိုင်ရေးအတွက်အကြံပြုဆွေးနွေးခြင်း၊အာမခံကိုယ်စားလှယ်တော်ကြီးများမှသိရှိလိုသည်များအားမေးခွန်းများမေးမြန်းခြင်းနှင့်တာဝန်ရှိသူများမှ ပြန်လည်ဖြေကြား၍ အခမ်းအနားကို အောင်မြင်စွာ ကျင်းပခဲ့ကြပါသည်။
တိကျမြန်ဆန် ယမ်းအာမခံ
