ကျန်းမာရေးအာမခံ

ထားရှိနိုင်သော အာမခံသက်တမ်း

အာမခံသက်တမ်းကတော့ (၁) နှစ်ဖြစ်ပြီး ပရီမီယံကြေး ပေးသွင်းသည့် ရက်မှစတင်ပါသည်။

ပရီမီယံ

အာယုပါလကျန်းမာရေးအာမခံကို အနည်းဆုံး (၁)ယူနစ် မှ အများဆုံး (၁၀)ယူနစ်ထိဝယ်ယူနိုင်ပါသည်။

အကျိုးခံစားခွင့်များ

အခြေခံအကာအကွယ် (၁)ယူနစ်လျှင်

• ဆေးရုံတက်စရိတ် တစ်ရက်လျှင် ၁၀,၀၀၀/- ကျပ် ( အများဆုံး ဆေးရုံတက်ရက်ပေါင်း (၆၀)ရက် )
• မတော်တဆ ထိခိုက်မှုဖြင့် သေဆုံးလျှင် ၁,၀၀၀,၀၀၀/- ကျပ်
• နေထိုင်မကောင်းဖြစ်၍ သေဆုံးလျှင် ၁,၀၀၀,၀၀၀/- ကျပ်
• မတော်တဆထိခိုက်မှုကြောင့်လည်းကောင်း၊ နေထိုင်မကောင်းဖြစ်ခြင်းကြောင့်လည်းကောင်း ထာဝစဉ်မသန်မစွမ်းဖြစ်လျှင် ၁,၀၀၀,၀၀၀/- ကျပ်

အပိုအကာအကွယ် (၁) ၁ယူနစ်လျှင်

• ခွဲစိတ်ကုသရန် (၁)ယူနစ် အတွက် အနည်းဆုံး ၅၀၀,၀၀၀/-
• ကိုယ်ဝန်ပျက်ကျမှု့အတွက် ဝယ်ယူထားသည့် ယူနစ် နှင့် မသက်ဆိုင်ပဲ ၃၀၀,၀၀၀/- ကျပ် အထိ ခံစားနိုင်ပါသည်။

အပိုအကာအကွယ် (၂) ၁ယူနစ်လျှင်

• နေမကောင်း ၍ ဆေးခန်းပြလျှင် တစ်ခါြပလျှင် ၂,၅၀၀/-
• တစ်နှစ်လျှင် အများဆုံး (၄) ကြိမ်
• ဆေးခန်းတစ်ခါပြလျှင် အများဆုံးပမာဏ 10,000 ကျပ်။

အကျိုးခံစားခွင့်တောင်းခံခြင်း

• အသက်(၁၈)နှစ်ပြည့်ပြီးသော အာမခံထားသူကိုယ်တိုင် (သို့မဟုတ်) အသက်(၁၈)နှစ်မပြည့်သေးပါက မိဘ(သို့) အုပ်ထိန်းသူမှ အကျိုးခံစားခွင့်ကိုတောင်းခံနိုင်ပါသည်။
• အာမခံထားရှိသူ သေဆုံးပါက အာမခံစာချုပ်ပါ အကျိုးခံစားခွင့်လွှဲပြောင်းထားရှိသူမှ အကျိုးခံစားခွင့် တောင်းခံ နိုင်ပါသည်။

ကျန်းမာရေးအာမခံကို ဘယ်လိုထားရှိနိုင်မလဲ

• ကျန်းမာရေးအာမခံကိုထားမယ်ဆိုရင် ယမ်းအာမခံရုံးများကိုဆက်သွယ်ပြီး ထားရှိနိုင်သလို ယမ်းအာမခံမှ ခန့်အပ်ထားသော အာမခံကိုယ်စားလှယ်တော်ကြီးများမှ တဆင့်လဲထားရှိနိုင်ပါသည်။
• အကျိုးခံစားခွင့်နှင့်ပတ်သက်ပြီး တောင်းခံရာတွင် ဆေးရုံမှဆင်းပြီးပြီးခြင်း ဆေးရုံမှစာရွက်စာတန်း များဖြင့် တောင်းခံနိုင်ပါသည်။
• ကျန်းမာရေးအာမခံထားမည့်သူများအနေဖြင့် ယမ်းအာမခံမှ ကျွမ်းကျင်ဝန်ထမ်း (သို့) အာမခံကိုယ်စားလှယ် တော်ကြီးများမှ ပရီမီယံတွက်ချက်ပုံများကိုရှင်းပြခြင်း၊ အဆိုပြုလွှာဖြည့်ရန် စီစဉ်ပေးခြင်း၊ လွယ်ကူရိုးရှင်းသော လုပ်ထုံးလုပ်နည်းများမှတဆင့် မူဝါဒများထုတ်ပေးခြင်း စသည့် အကောင်းဆုံးဝန်ဆောင်မှုကိုလည်းရရှိမည် ဖြစ်ပါသည်။

အကျိုးခံစားခွင့်လျောက်ထားမည့်အချက်များ

• အာမခံထားသူသည် ဆေးရုံတက်ရပြီဆိုပါက ဆေးရုံတက်သည်နှင့်တစ်ပြိုင်ထဲ အာမခံကုမ္ပဏီသို့ အကြောင်းကြားရမည်ဖြစ်သည်။
• ဆေးရုံမှဆင်းပြီဆိုပါက အာမခံထားသူသည် လိုအပ်သောဖောင်များ၊ မှတ်တမ်းများ နှင့်အတူ အာမခံအကျိုးခံစားခွင့်များ ရရှိရန်အတွက် လျောက်ထားနိုင်သည်။
• ယမ်းအာမခံမှ ကျွမ်းကျင်ဝန်ထမ်းများမှ တောင်းဆိုသူ၏ အချက်အလက်များကို အမြန်ဆုံးစစ်ဆေးပြီး တောင်းဆိုသူမှ အမြန်ဆုံးအကျိုးခံစားခွင့်ရရှိရန် လုပ်ဆောင်မည်ဖြစ်သည်။

အကျိုးခံစားခွင့်မရှိသောအချက်များ

အကျိုးခံစားခွင့်နှင့်ပတ်သက်ပြီး အာမခံထားသူ၏ ခံစားခွင့်မရှိသောအချက်များကို အောက်တွင်ဖော်ပြထားပါသည်။

• ဆေးရုံးတက်နေရသောပုဂ္ဂိုလ်များ နှင့် ဆရာဝန်မှ ဆေးရုံတက်ရန် (သို့) ဖျားနာနေသည်ဟု အကြံပြုထားသောသူများ
• ကလေးမွေးဖွားခြင်းနှင့် သားဖွားခြင်းဆိုင်ရာခွဲစိတ်ကုသခြင်း
• စိတ်ပိုင်းဆိုင်ရာမူမမှန်ခြင်း၊ မွေးရာပါရောဂါအခံရှိခြင်း၊ ရောဂါရှာဖွေခြင်း သို့မဟုတ် အပန်းဖြေခြင်းအတွက်ဆေးရုံတက်ခြင်း
• ကလေးရရန်အတွက်ဆေးရုံတက်ခွဲစိတ်ကုသမှုခံယူခြင်း နှင့် မတော်တဆထိခိုက်ဒဏ်ရာရခြင်းမှအပ သွားဘက်ဆိုင်ရာကုသမှုခံယူခြင်း
• မတော်တဆထိခိုက်မှုမှ လွဲ၍ မျက်စိစမ်းသပ်ခြင်း၊ အမြင်အာရုံချို့ယွင်းခြင်း၊ အမြင်အာရုံတိုးတက်မှုကုထုံးခံယူခြင်း
• မည်သည့်ဗေဒကုသမှု၊ နားကြားကိရိယာများအတွက်မဆိုကုသမှု
• မူးယစ်ဆေးဝါးအလွဲသုံးစွဲမှု၊ ရာဇ၀တ်မှုကျူးလွန်ခြင်း၊ အေအိုင်ဒီအက်စ်ရောဂါဖြစ်ခြင်း
• နိုင်ငံခြားတွင် ဆေးရုံတက်ခြင်း သို့မဟုတ် ခွဲစိတ်ကုသမှုခံယူခြင်း
• အကြမ်းဖက်မှု၊ သပိတ်မှောက်မှု၊ အဓိကရုဏ်းများ၊ စစ်ပွဲနှင့်စစ်ကဲ့သို့သောအခြေအနေများကြောင့် တောင်းဆိုမှုများ
• ရောဂါကုသမှုများအတွက် သုံးရက်ထက်နည်း ဆေးရုံတင်ကုသမှု
• မှားယွင်းသောတောင်းဆိုမှုများနှင့် မိမိကိုယ်ကိုသတ်သေမှု